'സ്ത്രീ വസ്ത്രം ധരിക്കുന്ന ഒരു പുരുഷനാണ് മിഷേൽ; ഒബാമ ഒരു ക്വിയർ വ്യക്തി': ഇലോൺ മസ്‌കിന്‍റെ പിതാവ്

വാഷിംഗ്ടൺ: യുഎസ് മുൻ പ്രസിഡൻറ് ബരാക് ഒബാമയെയും ഭാര്യ മിഷേലിനെയും കുറിച്ച് വിചിത്രവാദവുമായി ഇലോൺ മസ്‌കിന്റെ പിതാവ് ഇറോൾ മസ്‌ക്. സ്ത്രീ വസ്ത്രം ധരിക്കുന്ന ഒരു പുരുഷനാണ് മിഷേലെന്നും അവരുടെ ഭർത്താവും മുൻ യുഎസ് പ്രസിഡന്റുമായ ബരാക് ഒബാമ ഒരു ക്വിയർ വ്യക്തിയാണെന്നുമായിരുന്നു ഇറോൾ മസ്‌കിൻറെ വാദം.

"സ്ത്രീ വേഷം ധരിക്കുന്ന ഒരാളെ വിവാഹം കഴിച്ച ഒബാമ ഒരു ക്വിയർ ആണെന്ന് ഞങ്ങൾ തിരിച്ചറിഞ്ഞു", ഒരു അഭിമുഖത്തിൽ അദ്ദേഹം പറഞ്ഞു. ഇതുകേട്ട് അവതാരകൻ മിഷേൽ ഒബാമ ഒരു പുരുഷനാണോ എന്ന് തിരിച്ച് ചോദിക്കുമ്പോൾ "തീർച്ചയായുമതെ, നിങ്ങൾക്കത് അറിയില്ലേ?" എന്നായിരുന്നു ഇറോളിന്‍റെ ചോദ്യം.

2014-ൽ ഹാസ്യതാരം ജോൺ റിവേഴ്‌സ് മിഷേലിന്റെ ലിംഗഭേദത്തെക്കുറിച്ച് പരാമർശം നടത്തിയിരുന്നുവെന്നും ഇറോൾ പറഞ്ഞു. പരാമർശം നടത്തി രണ്ടാഴ്ച കഴിഞ്ഞപ്പോഴേയ്ക്കും ജോൺ റിവേഴ്‌സ് മരിച്ചു. അവർ ജോൺ റിവേഴ്‌സിനെ കൊലപ്പെടുത്തിയതാണ്. ഇതൊരു പൊതുവായ അറിവാണെന്നും ഇറോൾ പറഞ്ഞു.

മിഷേലിന്‍റെ ലിംഗഭേദത്തെക്കുറിച്ച് പരാമർശം നടത്തി ഏതാനും ആഴ്ചകൾക്കുശേഷമാണ് റിവേഴ്‌സ് മരിക്കുന്നത്. എന്നാൽ റിവേഴ്‌സിനെ കൊലപ്പെടുത്തിയതാണെന്ന അവകാശവാദത്തിന് തെളിവുകളൊന്നുമില്ല. 1989-ൽ ഒരു നിയമ സ്ഥാപനത്തിൽ വെച്ചാണ് ബരാക് ഒബാമയും മിഷേലും കണ്ടുമുട്ടുന്നത്. 1992-ൽ ഇവർ വിവാഹിതരായി. മാലിയ, സാഷ എന്നിവരാണ് മക്കൾ.

Content Highlights: Elon Musk's Father's Bizarre Claim about obama and michelle